sa pagkumpas
ng iyong kamay
ito ba'y nagbabadya
ng pagtikas
kung 'di ay pagyuko
ng gintong mirasol
at sa pauli-ulit
na pagpihit nito
sa iyong braso
ikaw ba'y naglalaan
ng isang sulo
o tumatawag ng ulan
sa gabing
binabalot ng katahimikan
hanggang sa inaasahang
paghinto at pagtikom
ng iyong palad
hawak hawak mo kaya
ang inalay na hiyas
na sinungkit
sa kalangitang pininturahan
ng nagpapaalam na araw
Subscribe to:
Post Comments (Atom)
0 comments:
Post a Comment