nitong kinahon at ibinaon
sa limot ng kahapon

na sa dilim ng mga ligaw
na anino ay nilumot

ay di mapigil ang pagtambol
ng isang ritmong pamilyar

na sa dakong una ay
kumatok, pinagbuksan, at sinabayan

ngayo'y isang marikit na bangungot
para sa diwa na ibinandona ng antok

kung isa mang patibong ay
nakatutuksong magpabihag muli

kahit na sa isip ay maliwanag
na ito'y isang pagkakamali

pagkat ang buhay sa mundo
sa malas ay maikli

di tulad ng pagsisisi
na hanggang sa himlaya'y bitbit